كيفاش تحمي داخل الطوموبيل ديالكComment protéger l'intérieur de sa voiture

فالمغرب، الطوموبيل كتعيش ظروف صعيبة: شمس قوية فالصيف، غبرة ورملة، شتا وطين فالشتا، وبزاف ديال الاستعمال اليومي مع العائلة والدراري. داخل الطوموبيل اللي محمي مزيان كيبقى جديد مدة أطول، وكيفرق حتى فالثمن ملي تبغي تبيعها.

البلايص اللي خاصك تحميهم

1. الكراسي

الكراسي هوما أول حاجة كتبان عليها الخسارة: البقع، التمزق فالجناب ديال الشيفور، والشمس اللي كتبدل اللون. Housses مقطوعين مزيان كيغطيو الكراسي الأصلية وكيعطيو شكل جديد لداخل الطوموبيل.

Housses 100% en tissu – Standard ولا Arrière Divisé650 DH · Livraison comprise ←

2. الأرضية

الموكيت الأصلية كتشرب الما والطين وكتجيب الريحة. الطابي 7D مقطوع على قد الأرضية ديال الموديل ديالك، وعندو جناب مرفوعين كيحبسو الوسخ.

Tapis 7D sur mesureشوف واش طوموبيلتك متوفرة ←

3. التابلو

الشمس المباشرة كتنشف البلاستيك ديال التابلو مع الوقت. حط pare-soleil فالزاج القدامي ملي كتباركي فالشمس، ونقي التابلو بشيفون microfibre فازگ شوية، بلا منتوجات قوية.

4. الفولان

الفولان كيتقاس بيديك كل نهار، وكيبان عليه الاستعمال بزربة. Couvre-volant كيحميه وكيعطي قبضة مريحة.

5. المسند (accoudoir) والوسط

الوسط ديال الطوموبيل فيه الكيسان والتيليفون والمفاتيح. Porte-gobelet كيمنع الشراب يطيح على الكراسي، وaccoudoir كيعطي بلاصة مرتبة.

6. الكوفر

الكوفر كيتوسخ بالقفة، الرملة ديال البحر والحوايج الثقال. حط غطاء ولا طابي فالكوفر، وما تخليش الحوايج اللي كيسيلو بلا ما تحطهم فصندوق.

7 عادات بسيطة كتفرق بزاف

1. باركي فالظل ملي تقدر، ولا حط pare-soleil.
2. ما تخليش الماكلة ولا الزبل فالطوموبيل.
3. نفض الطابي كل سيمانة (الطريقة هنا).
4. نقي البقع دغيا قبل ما تنشف (كيفاش تنقي الكراسي ديال الثوب).
5. ما تحطش حوايج حادين على الكراسي.
6. حل الشبابك شوية ملي تكون الطوموبيل سخونة باش يخرج الهوا السخون.
7. ما تستعملش منتوجات قوية على البلاستيك والثوب.

شنو نبداو بيه إلا كان الميزانية محدودة؟

إلا بغيتي تبدا بحاجة وحدة، ابدا بالبلاصة اللي كتتوسخ كثر عندك: الأرضية إلا كنتي كتسوق بزاف فالشتا ولا الطرقان ديال التراب، والكراسي إلا عندك دراري صغار ولا الكراسي بدات تبان عليهم الخسارة. شوف حتى الإكسسوارات اللي كتخلي الطوموبيل نقية.